मिखाइल पापकोव नाम गरेका रुसका एक पूर्व प्रहरीलाई दोस्रोपटक जन्मकैदको सजाय सुनाइएको छ । उनलाई रुसमा सबैभन्दा खतरनाक सिरियल किलरका रुपमा चिनिन्छ ।
७८ व्यक्तिको हत्या गरेको अभियोगमा उनी दोषी ठहरिएका छन् । साईबेरियामा खटिएका यी पूर्व प्रहरीले ५६ महिलाको हत्या गरेको घटनामा दोषी ठहर गर्दै दोस्रोपटक जन्मकैदको सजाय सुनाइएको हो ।
पापकोव यसभन्दा अघि पनि अन्य २२ जनाको हत्या अभियोगमा दोषी ठहर हुँदै सजाय काटिसकेका व्यक्ति हुन । मध्यरातमा आफ्नो कारमा घुमाउन लैजाने बहानामा उनले महिलाहरुको विभत्स हत्या गर्ने गरेका थिए ।
ती मध्ये ११ महिलालाई उनले बलात्कार समेत गरेको बताइएको छ । यस्ता तीनवटा घटना उनले आफ्नो ड्युटीको समयमा प्रहरीको गाडीभित्रै घटाएका थिए । ६ वर्षअघि डिएनए परीक्षणका आधारमा पापकोवलाई गिरफ्तार गरिएको थियो ।
हत्या भएका महिलाहरुको उमेर १५ देखि ४० वर्षको रहेको बताइएको छ । पापकोवले एकजना आफ्नै सहकर्मी प्रहरीको पनि हत्या गरेका थिए।
पापकोवले यी महिलाहरुलाई क्कुत्सकको अंगस्र्क शहर आसपासमा बन्चरो र हतौडाले हिर्काएर मार्ने गर्थे भने शवका टुक्रालाई सडक किनार, जंगल तथा स्थानीय शमशान घाटमा फाल्ने गरेका थिए ।
पापकोवले अंगस्र्ककी तथाकथित चरित्रहिन महिलाहरुलाई ‘शुद्ध’ पार्ने दाबाका साथ यस्तो गरेको बयान दिएको बताइएको छ ।
श्रोतः बिबिसी
भर्खरै
लोकप्रिय
