नेहा कक्कड र हिमान्स कोहली लामो समयदेखि चर्चामा छन्। दुवैजना एकअर्काप्रति निकै नजिकिएको खबर सार्वजनिक भएको थियो ।
उनीहरुको विवाह हुने चर्चा पनि चलेको थियो र फ्यानहरु यसको प्रतिक्षा गरिरहेका थिए । तर पछिल्लो खबर अनुसार अब यस्तो हुने छैन । के यी दुईको ब्रेकअप हुन सक्छ ? यो प्रश्न धेरैको मनमा उब्जिएको थियो ।
हिमान्श र नेहा एक अर्कोलाई अहिलेसम्म सामाजिक सञ्जालमा फलो गरिरहेका थिए । अचानक दुवैले एक अर्कालाई इंस्टाग्राममा अनफलो गरेका छन् । यारिया चलत्रिका अभिनेता हिमांश कोहलीको नाम म्यूजिक इण्डस्ट्रीकी क्यूट गायिका नेहा कक्करसँग जोडिएको थियो ।
इण्डियन आइडलको मञ्चमा पनि हिमान्श कोहलीले नेहा कक्कडलाई सरप्राइज दिएका थिए । त्यसपछि दुवैले रोमाञ्चक ढंगले आफूहरु प्रेममा रहेको बताएका थिए । तर अब दुवैजनाबीच दूरी बढेको छ ।
सामाजिक सञ्जालमा यी दुवैका प्रेमिल गतिबिधिले सबैको मन छुने गरेको थियो । तर यो सुन्दर सम्बन्धमा दूरी बढेको खबरपछि फ्यानहरु अचम्मित भएका छन् ।
नेहा कक्करले हिमान्श कोहलीसँगको आफ्नो रोमांटिक तस्बिरहरु पनि इन्स्टाग्राम अकाउन्टबाट डिलीट गरकी छन् ।
भर्खरै
लोकप्रिय
