यस्तो थियो कपिल र गिन्नीको पहिलो भेट

‘कमेडी नाइट्स विद कपिल’ र ‘द कपिल शर्मा शो’ का कारण दर्शकको मनमा बसेका कपिल शर्माले प्रेमिका गिन्नी चतरथसँग विवाह गरेका छन् । लामो समयदेखि पर्दाभन्दा बाहिर रहेका कपिल शर्मा आफ्नो विवाहका कारण फेरि एकपटक चर्चामा आएका छन् ।

गिन्नी चतरथ काे खास नाम भवनीत चतरथ हो तर उनलाई गिन्नी भनेर चिनिन्छ । जालन्धरको सिख परिवारकी गिन्नी र कपिल शर्माको पहिलो भेट २००५ मा भएको थियो । त्यती बेला कपिल २४ र गिन्नी १९ वर्षकी थिइन् ।

एक पत्रिकामा दिएको अन्तर्वार्तामा कपिलले भनेका थिए कि उनी खर्च जुटाउन थिएटरको निर्देशन गर्थे । यसका लागि उनी अलग-अलग कलेज गएर अडिशन लिने गर्थे ।

यही अडिशनका क्रममा कपिल शर्माको भेट गिन्नीसँग भएको थियो । गिन्नीको कामबाट आफू प्रभावित भएको कपिलले बताएका थिए ।
त्यो बेला गिन्नी रिहर्सलका क्रममा कपिलका लागि घरबाट खाना ल्याएर आउने गर्थिन् ।

अभिनेत्री बन्ने सपना देखेकी गिन्नी चतरथले २००९ मा स्टारवनको स्टैण्ड अप कमेडी कार्यक्रमका क्रममा ‘हँस बलिए’ मा भाग लिएकी थिइन् जसको हिस्सा कपिल शर्मा पनि थिए ।

उक्त शो पछि गिन्नीलाई पन्जाबी फिल्म र टेलिभिजनमा अफर आयो तर उनले अभिनयभन्दा टाढा रहने फैसला गरिन् ।
फाइनान्समा एमबीए गरेकी गिन्नीले बुवाको व्यवसायलाई अगाडि बढाउने निर्णय गरिन् ।

यो पनि पढ्नुहोस्

कपिल शर्मा विवाहका तस्बिरहरु