अमेरिकाले आफ्ना कैयौँ सरकारी एजेन्सीहरुमा चीनले ह्याक गरेको आरोप लगाएको छ ।
अमेरिकी न्याय विभागले चीनका दुई नागरिकहरुलाई इशारा गर्दै उनीहरुले पश्चिमा देशहरुको सरकारी एजेन्सीहरुमाथि ह्याक गरिरहेको आरोप लगाएको हो ।
यी दुवै चिनिया नागरिकहरुको नाम झु हुआ र झैंग शिलोंग रहेको बताइएको छ । उनीहरु एडभान्स परसिसटेन्ट थ्रेट १० समूहका सदस्य हुन् । यो समूह चीनको गुप्तचर निकायसँग जोडिएको छ ।
अमेरिकाका सँगै ब्रिटेनले पनि चीनमाथि यस्तै आरोप लगाएको छ । चीनले दुवै देशबीच भएको आर्थिक आसूसी सम्झौता उल्लंघन गरिरहेको ब्रिटेनको आरोप छ ।
अमेरिकी गुप्तचर निकाय एफबीआईका निर्देशक क्रिस्टोफरले यस सम्बन्धमा एक पत्रकार सम्मेलनमा भनेका छन् ‘हाम्रो अनुसन्धानका क्रममा यो घटना एकदमै गम्भीर रुपमा आएको छ र यसले राष्ट्रिय सुरक्षालमाथि नै खतरा पार्न सक्छ । यसबाट हाम्रो देशको अर्थतन्त्रलाई धरासयी बनाउने प्रयास भइरहेको छ । चीन चाहन्छ कि उसले अमेरिकालाई हराएर विश्वको शक्तिशालि राष्ट्र बन्न सकियोस् ।’
एफबीआईले भनेको छ कि यी ह्याकरहरुले अमेरिकी सेनाका कम्प्युटर समेत ह्याक गरेका छन् र एक लाखभन्दा धेरै निजी कर्मचारीहरुका डाटा चोरी गरेका छन् ।
अमेरीकाका डेपुटी एटर्नी जनरल रोड रोसनटीनले भनेका छन् की चीनले सन २०१५मा भएको सम्झौता उल्लंघन गरेको छ ।
तर अमेरिका र ब्रिटेनले ति कम्पनीहरुको नाम उल्लेख गरेको छैन जहाँको डाटा ह्याक गरिएको छ ।
भर्खरै
लोकप्रिय
