काठमाडौँ – चलचित्र ‘जानी नजानी’ चलचित्रको पहिलो गीत सार्वजनिक भएको छ। ‘एउटीलाई मुटुमा घर’ बोलको गीतमा अम्बिका शर्माको शब्द रहेको छ। अर्जुन पोखरेल र दुर्गा खरेले स्वर दिएको गीतमा अर्जुनले नै संगीत भरेका छन्।
गीतमा मनिष श्रेष्ठ र सुमी मोक्तानको नाँचेका छन्, डेब्यू गर्ल निरिशा बस्नेतलाई पनि गीतमा देख्न सकिन्छ। गीतलाई कविराज गहतराजले कोरियोग्राफी गरेका हुन्।
चलचित्रमा मनिष र निरिशासँगै सन्नी सिंह, नम्रता श्रेष्ठ, प्रकाश अधिकारी, कृष्णभक्त महर्जन, रोशनी केसी लगायतको अभिनय छ।
आधुनिक प्रेम कथामा आधारित चलचित्रको कथा, पटकथा र संवाद सामीप्यराज तिमिल्सेनाले लेखेका हुन्। बसन्त अधिकारीको डेब्यू निर्देशनमा चलचित्र बन्दैछ।
प्रेम कथासँगै राष्ट्रियता र युवापुस्ताले बोध गर्नुपर्ने जिम्मेवारीलाई पनि देखाइएको निर्माण पक्षले जनाएको छ। फिल्मको छाँयाङ्कन सञ्जय लामाले गरेका छन्। संगीत अर्जुन पोखरेलले दिएका छन्। चलचित्र चैत १ गते प्रदर्शनमा आउँदैछ।
भर्खरै
लोकप्रिय
