राप्ती स्वास्थ्य विज्ञान प्रतिष्ठानलाई अदालतको आदेश, ‘शुल्क बृद्धिको निणर्य कार्यान्वयन नगर्नु’

दाङ – उच्च अदालत तुलसीपुरले राप्ती स्वास्थ्य विज्ञान प्रतिष्ठानलाई बढाएको सेवा शुल्क कार्यान्वयन नगर्न अन्तरिम आदेश जारी गरेको छ । सेवा शुल्क बृद्धि कार्यान्वयन नगराउन भन्दै अदालतमा परेको निवेदनमाथि सुनवाई गर्दै अदालतले कार्यान्वयन नगर्न अन्तरिम आदेश जारी गरेको हो ।

प्रतिष्ठानले पुस १७ गतेदेखि लागु हुने गरी उपचार सेवामा शुल्क बृद्धि गरेको थियो । त्यसको विरोधमा अदालतमा परेको निवेदनमाथि बहस गर्दै अर्को आदेश जारी नहुँदासम्मका लागि पुरानै शुल्कमा उपचार सेवा प्रवाह गर्न आदेश दिएको हो ।

उच्च अदालतका मुख्य न्यायाधीश नहकुल सुबेदीको एकल इजलाशले प्रतिष्ठानको निर्णयलाई तत्काल कार्यान्वयन नगरी पुरानै शुल्कमा बिरामीको उपचार गर्न आदेश जारी गरेको हो ।