अस्ट्रेलियालाई सन् २००९ देखि कर्मथलो बनाएका गायक ईश्वर पोखरेलले ‘कति राम्री’ बोलको गीत सार्वजनिक गरेका छन् ।
करिब दुई दर्जनभन्दा बढी गीत रेकर्ड गराइसकेका गायक पोखरेलले ‘शीतल’ र ‘अराइज’ नामक दुई शोलो एल्बमका साथै अष्ट्रेलियाबाटै सामूहिक गीतिएल्बम ‘उडान’ पनि दुई वर्षअगाडि रिलिज गरिसकेका छन् ।
विदेशमा रहे पनि गीतसंगीतमा निरन्तर सक्रिय रहँदै आएका गायक ईश्वर पोखरेलका रातो रिबन, काली मोरी, तिमी छैनौं त छैन शीतल, मैले झैं मर्नेबारे सोध्छौ होला, कति बज्यो भनेर सोधम् कि आदि चर्चित गीत हुन् ।
अस्ट्रेलियामा हुने धेरै संगीतिक कार्यक्रमका साथै समाजसेवामा समेत सक्रिय सहभागी भइरहने गायक पोखरेल अन्तर्रास्ट्रिय नेपाली कलाकार समाज ‘अस्ट्रेलिया ईनास’ मा पनि सल्लाहाकारको रूपमा आवद्ध छन् ।
ईश्वर पोखरेलको पछिल्लो गीत ‘कति राम्री’ मा एकनारायण भण्डारीको शब्द र आशिष अविरलको संगीत रहेको छ । सुनिल क्षेत्रीको निर्देशन रहेको उक्त गीतको म्यूजिक भिडियोमा रविन भुजेल र सारा श्रृपालीको अभिनय रहेको छ भने ‘नेपाली ठिटोज’ समूहले साथ दिएका छन् ।
यो गीत गायकले आफ्नै आफ्नै युट्युब च्यानलबाट रिलिज गरेका हुन् । ‘कति राम्री’ गीतमा नेपालको प्राकृतिक सौन्दर्यसँग आफ्नी प्रेमिकालाई दाँज्ने प्रयत्न गरिएको छ।
भर्खरै
लोकप्रिय
