अ
+
अ
अ
-
वीरगञ्ज – सशस्त्र प्रहरीले वीरगञ्जबाट लागुऔषध र विभिन्न देशको मुद्रासहित एक युवकलाई पक्राउ गरेको छ। सशस्त्र प्रहरीले काभ्रेको पनौती नगरपालिका–५ बस्ने २४ वर्षीय रामकृष्ण राउतलाई पक्राउ गरेको हो।
पक्राउ परेका राउतको साथबाट प्रहरीले लागुऔषध नाइट्रोपाइम १० एमजीको ३ सय ५ गोटा, नेपाली एक सय १२ रुपैयाँ, मलेसिया रिङ्गगेट १, कतार रियाल १, चिनियाँ यान १, आइफोन १ थान, सामसुङ किप्याड मोबाइल १ थान र मोबाइल चार्जर १ थान बरामद गरेको छ।
वीरगञ्ज महानगरपालिका वडा नम्बर १६, भन्सार मुलगेटस्थित रहेको सशस्त्र प्रहरी गुल्मले भारतबाट नेपालतर्फ आउँदै गरेको अवस्थामा चेकजाँच गर्ने क्रममा राउतलाई पक्राउ गरिएको सशस्त्र प्रहरीले जानकारी दिएको छ।
लागुऔषध र विभिन्न देशको मुद्रासहित पक्राउ परेका राउतलाई आवश्यक कारबाहीको लागि जिल्ला प्रहरी कार्यालय पर्सामा राखिएको छ।
भर्खरै
लोकप्रिय
