अभिनेत्री सारा अली खान र उनकी आमा अमृता सिंहले देहरादून प्रहरीमा जमीन सुरक्षाको लागि निवेदन दिएका छन् । देहरादूनमा अमृताका मामाको करोडौँ पर्ने जमीन छ जसमा भूमाफियाले नजर लगाएको उनीहरुको आरोप छ ।
भूमाफियाले कब्जा गर्न सक्ने भन्दै उनीहरुले जमीनको सुरक्षाका लागि प्रहरीमा निवेदन दर्ता गराएका हुन् । प्राप्त जानकारीका अनुसार अमृता सिंहका मामा मधुसूदन बिमबेटको शनिबार मृत्यु भएको छ । उनी क्यान्सरबाट पीडित थिए । अमृता आफ्ना मामा मधुसूदनको अन्तिम संस्कारमा सहभागी भइन् र साँझ प्रहरी चौकी गएर जमीन सुरक्षाका लागि लिखित निवेदन दर्ता गराइन् ।
अमृता सिंहले प्रहरीलाई जानकारी गराए अनुसार उनका मामा मधुसूदन बिमबेट देहरादूनमा एक्लो जीवन बिताइरहेका थिए । जबसम्म उनको परिवारका अन्य व्यक्तिहरु पुग्दैनन् तबसम्म जमीनको सुरक्षा गरिदिन उनले प्रहरीलाई आग्रह गरेकी हुन् ।
मधुसूदन बिमबेटको जमीनमा उनको हेरचाह र रेखदेख गर्ने शेरसिंहले पनि आफ्नो हक दाबी गरेका छन् । उनका अनुसार अमृता सिंह र उनका मालिक मधुसूदनका बीचमा राम्रो सम्बन्ध थिएन । उनले पनि यसबारेमा प्रहरीलाई लिखित निवेदन दिएका छन् ।
भर्खरै
लोकप्रिय
