प्रेमीसँग मिलेर आमाले गरिन् छोराको हत्या

भारतको पूर्वी दिल्लीको न्यू अशोक नगरमा एक आमाले आफ्ना प्रेमीसँग मिलेर छोराको हत्या गरेकी छन् । उनका छोराले आमाको प्रेम सम्बन्धको विरोध जनाएका थिए । यही कारण आमाले छोराको हत्या भएको प्रहरीले जनाएको छ । घटनाका दुवै आरोपीलाई प्रहरीले पक्राउ गरेको छ ।

यो घटना न्यू अशोक नगर इलाकामा भएको हो । जहाँ आमाले छोरा रवीन्द्रको हत्या गरेकी हुन् । यो हत्याकाण्ड उनले आफ्ना प्रेमीसँग मिलेर गरेको प्रहरी अनुसन्धानबाट खुलेको छ । रवीन्द्रको टाउकोमा ढुंगाले थिचेर हत्या भएको प्रहरीले जनाएको छ ।

रवीन्द्रलाई आमाले पर पुरुषसँग सम्बन्ध राखेको मन परेको थिएन । उनले पटक पटक आमालाई सम्झाउँने प्रयास गरेका थिए । तर आमाले प्रेमीलाई छोड्नुभन्दा पनि उनीसँग मिलेर छोराको हत्या गरेको खुलेको हो ।