भारतका पूर्व रक्षामन्त्री फर्नाण्डेजको निधन

भारतका पूर्व रक्षामन्त्री जर्ज फर्नाण्डेजको निधन भएको छ । राजधानी दिल्लीको अस्पतालमा उपचारको क्रममा जर्जको निधन भएको हो । उनको ८८ वर्षको उमेरमा निधन भएको हो । कर्नाटकमा रहेका भाइ माइकल फर्नाण्डेज दिल्लीमा रहेको अस्पतालमा भेट्न जाँदै गरेका बेला जर्जको निधन भएको हो ।

माइकलले भने, ‘दाइलाई फ्लूको संक्रमण भएको थियो । उहाँको अवस्था सुधार हुँदै थियो । तर मंगलबार बिहान उहाँको अवस्था गम्भीर बन्यो र उहाँलाई दिल्लीको अस्पताल लगियो । उहाँको त्यहिँ निधन भयो ।’

सन् १९६७ मा जर्जले बबई दक्षिण लोकसभा सिटमा कांग्रेसका एस के पाटिललाई हराएर राष्ट्रिय राजनीतिको चर्चामा आएका थिए । उनी सन् १९९८ देखि २००४ सम्म रक्षामन्त्री थिए ।