प्रिय इतिहास,
धेरै धेरै माया तथा यादको कोसेलीहरु लिएर आज तिमीलाई यस पत्रबाट सम्झना गरिरहेकीछु। विश्वास छ कि तिमी सात समुन्द्रपार आफ्नो काम, कर्तव्य र जीवनमा अघि बढिरहेको छौं । हाम्रो मायाको साथ छुटेको पनि आज त ७ वर्ष भएछ । तरपनि माया त सधै रहिरहने रहेछ ।
मायाको गन्तव्यबाट माया गर्ने जोडीहरु छुटेपछि मायामा बिताएका साथ र पलहरु याद मात्रै बनेर बस्ने रहेछ । बिछोडमा माया पलपल, सेकेण्ड, मिनेट, घण्टा, रात-दिन, हप्ता, महिना र वर्षमा माया झनै प्रगाढ बन्ने ।
तर यादमा पनि माया नै लुकेको हुने रहेछ । इतिहास तिमीलाई थाहा छैन् होला तिम्रो मायाको आभासमा आज पनि हामीसंगै मायाको गाड़ीमा भएको अनुभूति गर्छु अनि म सबैथोकमा सुन्दरता र सरलता देख्दछु ।
जटिलता र चुनौतीसंग जुध्न र पार गर्न म भित्र साहस, धैर्य, उर्जा, जोश अनि उमंग पैदा भईदिन्छन् मानु कि म तिमीलाई मेरा मन कसरी आतुर हुन्थे । एउटा फोनकलबाट सुरुवात भएको हाम्रो मित्रता र साक्षात भेटमा नजरको लुकामारीखेल हिजो मात्र जस्तो लाग्छ ।
तिमी म प्रति आकर्षित भएको अनुभूतिसंगै झनै म आकर्षित भईरहेकी थिए । थाहा थिएन तिमीमा के त्यस्तो अद्वितीय शक्ति थियो जहाँ मैले नाई नाई भन्दाभन्दै तिमीमा आफूलाई पाए र आफूभित्र तिमीलाई पाउन थाले ।
शब्दले व्यक्त नगरी तिमी र मेरो मायाको नाता रातो रंग र रगत भन्दा पनि गाढ़ा कति बेला बन्न पुग्यो त्यो त हामी दुईले थाहा पाउन सकेनौ । धेरै व्यस्तता र ज़िम्मेवारीको बावजुद पनि समय निकाली भेट्ने अनि मेरो १-१ मिनेट भनि रोक्ने बानीले ढिलो भई कलेजमा सरको गाली, अफिसमा हाकीमको चेतावनी अनि बा आमाको गालीमा मज्जा नै लाग्थ्यो ।
फेरि अर्को भेटबारे कल्पना गर्दा, जति समय बिताए पनि थोरै नै लाग्थ्यो इतिहास तिमीसंग रहदा । बाटोमा उभिएर चिया पिउदा होस् वा पाटन गल्लीको नेवारी खाजासेटको स्वाद र कुनै रेष्टुरामा मःम, पिज्जाको साटो दही चिउरा मेनुमा नभएको चीज मगाएर खाई रमाउदाको पल कति सुन्दर र सुनौलो मायामा बिताएका समय ।
इतिहास मायाको परिभाषा व्यक्ति अनुसार फरक भएतापनि सबै नाताहरु भन्दामाथि रहेर तर सबै सम्बन्धको भूमिका निभाउन हैसियत राख्ने समान आदार, विश्वास, भरोसा, साथ र काँध सम्बन्धको अटुट मान्यताले गर्दा । जब तिमी मेरो जीवनमा मेरो माया बनि आयौ तिम्रो मायाको आभास र साथले वास्तविक संसारमा जिउने कला सिकायो संतुष्टि, खुशी, आनंद र सकारात्मक सोच लिएर । इतिहास समयको अभाव र विविध परिस्थितिवश हामी भेट्न नसक्द प्रश्नचिन्ह, गुनासो र रिस उठने सवाल नै थिएन तरपनि तिम्रो उपस्थितिमा ति सब कहाँ हराएर जान्थे, खै के तरंग पैदा हुन्थ्यो ।
तिम्रो मायाको शक्ति नै थियो । विशेष समयमा हामी दुई मिलेर पकवान तयार गरे पश्चात तिम्रो हातले मलाई खाना खुवाउदाको पल म सानी बच्ची जस्ती खुशीले पुलल्कीत हुन्थे म । तिम्रो काँधमा मेरा शिर अडेस्याउदा होस् वा अंगालोमा बाधिएर रहदा सबै दु:ख कष्ट हराईदिन्थे । कान्छु तिमी मेरो संसार हौं भन्दा सारा ब्राम्हण र साम्राज्य हासिल गरेकी योद्धा झै महसूस गर्थे । हुन त हाम्रा मायामा संघर्ष नभएका भने होईन् परिवार, वर्ग र समाज आदिका कुरालाई लिएर हाम्रो परिवारबीच सधै असंतुष्टी र मनमुटाव थिए तर पनि हामी कति आशावादी थियौ सबै ठीक हुनेछ भनि ।
हरेश र हार हाम्रो मायाको शब्दकोशमा कहिले थिएन । इतिहास समय वा दैवको खेल भनौं कसको नजर लाग्यो हाम्रो मायाको संसारमा । मायाको उद्देश्य र गन्तव्य फरक बन्न पुगे । जुन दिन तिमीले एकल निर्णय गरी हाम्रो सम्बन्ध नरहने र जीवनमा कदापी नभेट्ने घोषणा गर्दा चारदिशा अंध्यारो भई दलदलेधापमा मृत्युलाई अंगालेको आभास गरे तर तिमी एकनजर पनि पछि नहेरी बाटो लाग्यौ तर म भने चैं कालो चश्मा भित्रबाट बहेका आँशुलाई थाम्न सकिन कारण साउन भदौंको भेल झै दर्केका थिए ।
आजसम्म पनि उत्तर पाउन सकेकी छुईन तिमीबाट किन समान उद्देश्यको मायागाडीबाट मलाई एक्लो बनाई रफ्तारमा तिमी अगि बढ्यौ ।
इतिहास परिवार, ईष्टमित्र र समाजको लागी काम र अध्ययनमा हासिल गरेको सफलताले म पूर्ण देखुला अनि खुशी पनि । तर कसले देख्ने मेरो एक्लोपन, पलपलमा आफू भित्र जलि मरेको, लड़दै–उठदै गरेको ? न कसैले देख्न सक्छ र सुन्न सक्छ ।
इतिहास समय र ऋतु आफ्नो समयचक्रमा फर्केर आए तिमी फर्केर आउ । यो मायामा जति पिडा छ उति नै आनन्द पनि । इतिहास तिमीलाई भुल्न, घृणा र बिर्सन पनि सक्दीन । मेरो जीवनको सुन्दर याद हौ तिमी ।
तिमीसँग मायामा बिताएका पलले मलाई आज पनि पछ्याईरहेछ र जिईरहेकी छु ।
जीवनको यादबाट कोल्टो फेर्न चाहान्छु तर खै सक्दीन कारण अर्को कोल्टो फेराईमा पनि तिमी नै छौं । तिम्रो मायाको यादको बाजीमा हारेकी म, मौन बनेकी म आज बिन्ती गर्छु इतिहास तिमीलाई भावना र यादमा होईन् ऋतु झै फर्केर आउ मेरो जीवनमा कारण हिजो जून ठाँउमा छाडेको थियौ।
आज पनि फर्केर आउछौं भन्ने आशाको दिप लिई बसेकी छु । यद्यपि यो दिप बतास र तेलको कमीले निभ्न लागेका धिपधिप बत्ती झै छ । माया गर्ने जोडीलाई देख्दाको आभासले तिमी भित्र म भई, म तिमी भित्र तिमी भई मायाको गाड़ीलाई बढादै र मायाको नौलो आभासमा अटल चन्द्र र सूर्य झै मायाको डोरीले विश्वास र भरोसामा बाँध्दै एक मौका दिई हेरौ । इतिहास तिम्रो माया र जवाफ कुरि बसिरहेकी छु यस पत्रको माध्यमबाट।
उही तिमीलाई सधैँ माया गरिरहने
कान्छु
भर्खरै
लोकप्रिय
