भारतको जम्मू-कश्मीरमा चरपन्थीले गरेको आक्रमणमा कम्तिमा ३४ जना सुरक्षाकर्मीको ज्यान गएको छ ।
जम्मू-कश्मीरको पुलवामा जिल्लाको लेथपोरा नजिक श्रीनगर-जम्मू राजमार्गमा सिआरपिएफका जवान सवार गाडीमा आक्रमण गरेका हुन् । घटनामा अरु केही घाइते भएकाले ज्यान गुमाउनेको संख्या बढ्न सक्ने भारतीय सञ्चार माध्यमले जनाएका छन् ।
सिआरपिएफले ३४ जवानको ज्यान गएको पुष्टि गरेको छ । सिआरपिएफको बस श्रीनगर जम्मू राजमार्गमा गुडिरहेका बेला चरमपन्थीले बसलाई निशाना बनाएर आक्रमण गरेका हुन् । बसमा ४० भन्दा बढी जवान सवार थिए ।
३०० किलोमिटरको राजमार्ग रणनीतिक रुपले महत्वपूर्ण छ र जहिले सुरक्षा व्यवस्था कडा रहन्छ । घटनामा घाइते भएका जवानको श्रीनगरमा रहेको सेनाको अस्पतालमा उपचार भइरहेको छ ।
Attack on CRPF personnel in Pulwama is despicable. I strongly condemn this dastardly attack. The sacrifices of our brave security personnel shall not go in vain. The entire nation stands shoulder to shoulder with the families of the brave martyrs. May the injured recover quickly.
— Narendra Modi (@narendramodi) February 14, 2019
घटनापछि राजमार्गमा गाडीको आवागमन रोकिएको छ । सेनाले पूरै क्षेत्रमा आक्रमणकारीको खोजी गरिरहेको छ । चरमपन्थीले आइइडी बिस्फोट गरएका हुन् ।
जम्मूबाट श्रीनगर जाँदै गरेका सुरक्षाकर्मीका ७० मध्ये एउटा गाडी आक्रमणमा परेको हो ।
प्रतिबन्धित चरमपन्थी समूह जैश ए मोहम्मदले आक्रमणको जिम्मा लिएको छ । प्रधानमन्त्री नरेन्द्र मोदी, कांग्रेस अध्यक्ष राहुल गान्धीसहितले आक्रमणको निन्दा गरेका छन् ।
भर्खरै
लोकप्रिय
