बम बिस्फोटमा परेकी नर्सको अवस्था सुधारोन्मुख : डाक्टर

काठमाडौँ – नख्खुमा भएको बम बिस्फोटमा परि घाइते भएकी नर्स उरुषा मानन्धरको अवस्था सुधारोन्मुख रहेको उपचारमा संलग्न डाक्टरले बताएका छन् ।

मेडिसिटी अस्पतालमा कार्यरत २५ वर्षकी नर्स उरुषा शुक्रबार बेलुका ड्युटी सकेर घर फर्कने बेला बम बिस्फोटमा परेकी थिइन् । बायाँ गोडामा चोट लागेको उनको निधन भएको भनेर कतिपय सञ्चार माध्यममा आएको खबरप्रति डाक्टरले गम्भीर चासो व्यक्त गरेका छन् ।

उपचारमा संलग्न डा. निभा चित्रकारले उरुषाको दुई पटक शल्यक्रिया भएको र उनको अवस्था खतरामुक्त रहेको देश सञ्चारलाई जानकारी दिए।

उरुषाको बायाँ गोडाको हड्डी धेरै ठाउँमा भाँच्चिएको छ । अझै केही पटक शल्यक्रिया गर्नु पर्ने डा. नीभाले जानकारी दिए । यस्तै अर्की घाइते २६ वर्षकी प्रतीक्षा खड्काको पनि उपचार भइरहेको छ ।

यो पनि पढ्नुहोस्

‘घर पुगेपछि थाहा भयो शरीरमा बमले चोट लागेको, त्यसपछि पुगियो अस्पताल’