भाषाशास्त्री एवम् साहित्यकार बालकृष्ण पोखरेलको निधन

विराटनगर – भाषाशास्त्री एवम् साहित्यकार प्राध्यापक बालकृष्ण पोखरेलको विराटनगरस्थित निवास आइतबार बिहान निधन भएको छ । उनको बिहान साढे एकबजे निधन भएको हो।

लामो समयदेखि काठमाडौँस्थित नर्भिक अस्पताल र पछिल्लोसमय विराटनगरकै एक अस्पतालमा उपचार गराएका थिए । ८६ वर्षे पोखरेलको घरमा निधन भएको हो।

उच्चरक्तचापका बिरामी प्राज्ञ पोखरेलका एक छोरा मुनाल र दुई छोरी त्रिपुरा खरेल र मुना घिमिरे रहेका छन्।

हाल विराटनगर–१० स्थित पोखरेल निवासमा मानिसको बाक्लो उपस्थिती रहेको छ। पोखरेलको आइतबार नै स्थानीय परोपकारघाटमा अन्त्यष्टि गरिने छोरा मुनाल पोखरेलले जानकारी दिएकाछन्।