काठमाडौँ – हेलिकोप्टर दुर्घटनामा दिवंगत भएका मन्त्री रवीन्द्र अधिकारीका कान्छा छोरा हरिहरभवन स्थित निवासमा पुगेका छन् । फुपूको घरमा राखिएका १० वर्षका सरोज अधिकारीलाई केहिबेरअघि मन्त्री निवासमा ल्याएको हो । उनले शोकाकुल आमासहित हजुरबुवा र हजुरआमालाई भेटेका छन् ।
कान्छो नाति पुगेपछि शोकाकुल रहेकी हजुरआमाले उनको गाला सुम्सुम्याएर रोएकी थिइन् । बुधबारदेखि ओछ्यानमै पल्टेकी हजुरआमा नाति पुगेपछि मात्रै उठेकी थिइन् ।
मन्त्री अधिकारीका जेठा छोरा बिराज भारतको बेङग्लोरबाट फर्किरहेका छन् । उनी बिहिबार नै काठमाडौँ पुग्ने परिवारजनले जनाएको छ । यसैबीच मन्त्री अधिकारीको परिवारलाई स्वास्थ्यमन्त्री उपेन्द्र यादव, नेकपाका नेता नारायणकाजी श्रेष्ठ र जनादर्न शर्माले भेट गरेका छन् ।
भेटमा मन्त्री यादव र नेता शर्माले केही बोलेनन् भने नेता श्रेष्ठले आफूसँग केही भन्ने शब्द नै नरहेको बताएका थिए ।
भर्खरै
लोकप्रिय
