अ
+
अ
अ
-
पोखरा – संस्कृति, पर्यटन तथा नागरिक उड्डयनमन्त्री रवीन्द्र अधिकारीको पार्थिव शरीरलाई पोखरा पुर्याइएको छ । भर्खरै पोखरा ९ नयाँबजार स्थित प्रदर्शनी केन्द्रमा राखिएको उनको पार्थिव शरीरमा नेताहरु तथा सर्वसाधारणले श्रद्धाञ्जलि प्रकट गरिरहेका छन् ।
उनलाई श्रद्धाञ्जलि दिन उपप्रधानमन्त्री इश्वर पोखरेल, श्रम मन्त्री गोकर्ण बिष्ट, गण्डकी प्रदेशका मुख्यमन्त्री पृथ्वीसुब्बा गुरुङ, नेताहरु बामदेव गौतम, योगेश भट्टराई, विष्णु रिजाल लगायत पुगेका छन् ।
श्रद्धाञ्जलिसभा स्थलमा पार्टीका ४९ वटा झण्डा झुकाइएको छ । मन्त्री अधिकारीको उमेर ४९ वर्ष पुगेका कारण ४९ वटा झण्डा झुकाइएको पार्टीका कार्यकर्ताले बताएका छन् ।
पोखरा स्थित रामघाटमा राजकीय सम्मानका साथ मन्त्री अधिकारीको अन्त्यष्टि गर्ने कार्यक्रम छ ।
यो पनि पढ्नुहोस्
भर्खरै
लोकप्रिय
