धनगढी– प्रहरीले २ किलो ३ सय ग्राम सुन सहित पक्राउ गरेका धनगढीका निलम सुनचाँदी पसलका सञ्चालक रमेश कुमार सैंजुलाई सार्वजनिक गरेको छ।
बुधबार राति सुन चाँदी सहित पक्राउ परेका सुन व्यवसायी सैंजु र उनीसंगै रहेकी सीता कुमारी चौधरीलाई बिहीवार जिल्ला प्रहरी कार्यालयले सार्वजनिक गरेको हो।
कैलालीका प्रहरी प्रमुख आभुषण तिमिल्सेनाले संैजुसँगै गाडीमा रहेकी एक महिला र सुनचाँदी पत्रकार सम्मेलनमार्फत सार्वजनिक गरे। प्रहरीले सार्वजनिक गरे अनुसार उनिहरुसँग सुन २ किलो २ सय ३२ ग्राम, चाँदीको जस्तो बडर भएको काठको फ्रेम ४३ थान, चाँदीको जस्तो टिकादानी १२ थान, चाँदीको करुवा १० थान, चाँदीको जस्तो सतपाला ७ थान, चाँदीको जस्तो आचमनी ३२ थान, चाँदीको जस्तो पन्चपाक ३२ थान, चाँदीको जस्तो नग सहितको औठी १८ थान रहेको छ। यसैगरी बा ११ च ७४१३ नम्बरको कार र ३ थान मोवाईल पनि नियन्त्रणमा लिएको प्रहरीले जनाएको छ।
सामान सहित पक्राउ परेका दवै जनालाई बिहीबार नै थप अनुसन्धान र कारवाहिका लागि राजस्व अनुसन्धान विभाग मध्य तथा सुदूरपश्चिम कार्यालय कोहोलपुर पठाईएको प्रहरी प्रमुख तिमिल्सेनाले जानकारी दिए। यस विषयमा थप अनुसन्धान भईरहेको पनि उनले बताए।
भर्खरै
लोकप्रिय
