अ
+
अ
अ
-
धनगढी – डडेल्धुरामा सोमबार हाइस दुर्घटना हुँदा १२ जना घाइते भएका छन् । दीपायलबाट धनगढी तर्फ आइरहेको बा २ ख १६६२ नम्वरको हाइस डडेल्धुराको गन्यापधुरा गाउँपालिकाको गुयलीखेतमा दुर्घटना भएको जिल्ला प्रहरी कार्यालय डडेल्धुराका डीएसपी डम्बरबहादुर केसीले जानकारी दिए ।
उनका अनुसार दुर्घटनामा १२ जना घाइते भएका छन् । जसमा दुई जना गम्भीर छन् । यात्रु भर्नका लागि रोकिएको अवस्थामा हाइस अचानक झाडिमा गएको प्रहरीले प्रारम्भिक जानकारी दिएको छ ।
घाइते सबैको उद्धार गरि डडेल्धुरा अस्पतालमा लगीएको डीएसपी केसीले जानकारी दिए । भिरालो बाटो भएकाले रोकिएको हाइस आफै गुडेको प्रहरीको प्रारम्भिक अनुमान छ ।
भर्खरै
लोकप्रिय
