डडेल्धुरा दुर्घटना अपडेटः हाइस रोकेर सौच गर्न गएका थिए चालक, एक जनाको मृत्यु

धनगढी – दीपायलबाट धनगढीका लागि छुटेको बा २ ख १६६५ नम्बरको हाइस सोमबार बिहान डडेल्धुराको गन्यापधुरा गाउँपालिका गुयलिखेतमा दुर्घटना हुँदा एक जनाको मृत्यु भएको छ भने ११ घाइते भएका छन् । घाइते मध्ये दुईजनाको अवस्था गम्भीर रहेको छ ।

मृत्यु हुनेमा डोटीको सायल गाउँपालिकाका गणेश साउँद रहेका छन् । यस्तै घाइते हुनेमा दीपायल सिलगढी नगरपालीका–२ का कला दमाई, लक्ष्मी दमाई, शिखर नगरपालीका ११ का जय दमाई गन्यापधुरा ५ डडेल्धुराका ईश्वर टमटा, शिखर नगरपालीका डोटीका कैल्या ढोली, बिष्णा दमाई , जानकी गाउँपालिका २ का नीर बहादुर रोका मगर , शिखर नपा गोपघाट डोटीका राजु नेपाली रहेका छन ।

चालकले हाइस रोकी सौच गर्न गएका बेला हाइस आफै पछाडि पट्टि बाट करिब ५० मिटर तल खसेको प्रहरीले जनाएको छ । हाइसमा १४ जना सवार रहेको प्रहरीले जनाएको छ । घाइते सबैको उपक्षेत्रीय अस्पताल डडेल्धुरामा उपचार भैरहेको छ ।

यो पनि पढ्नुहोस्

रोकिएको हाइस आफै गुड्यो अनि भीरमा खस्यो, १२ जना घाइते