आमिर खानलाई पत्रकारको प्रश्नः मोदीका लागि प्रचार गर्नुहन्छ?

मिस्टर परफेक्शनिष्टको नामबाट मानिसहरुको मनमा बस्न सफल अभिनेता आमिर खानले कुनै पार्टीको प्रचार आफूले नगर्ने बताएका छन् । भारतका प्रधानमन्त्री नरेन्द्र मोदीले ट्विटरमार्फत कलाकारहरुलाई भोटका लागि जनतालाई प्रेरित गर्न आग्रह गरेका थिए ।

प्रधानमन्त्रीले राखेको उक्त सूचीमा अभिनेता आमिर खानको नाम पनि छ । तर आमिरले आफूले कुनै दल विशेषको प्रचार नगर्ने बताए ।

‘चुनाव प्रचारका लागि ब्राण्ड एम्बेसडर बनेको हुँ ’

आमिर खानले हरेक वर्षझैँ यस वर्ष पनि आफ्नो जन्मदिनका अवसरमा पत्रकारहरुसँग भेटघाट गरे । यस क्रममा उनलाई सोधियो, ‘तपाई पनि चुनावी प्रचारमा सहभागी हुने हो?’

यस प्रश्नको जवाफ दिँदै आमिर खानले भने, ‘यो कुरा राम्रो र सही हो कि बढी भन्दा बढी मानिसहरु चुनावी प्रक्रियामा सहभागी होउन् । नरेन्द्र मोदी यस देशका प्रधानमन्त्री हुन् र उनले अपील गरेका छन् कि हामी जनतालाई भनौँ भोट गरौँ भनेर । यो राम्रो कुरा हो र कलाकारहरुको आग्रहले यसमा सकारात्मक नतिजा दिन्छ ।’

‘यस्तो होइन कि मोदीले पहिलो पटक यो कुरा भनेका हुन् । निर्वाचन आयोगले पनि मलाई कैयौँ पटक ब्राड एम्बेसडरका रुपमा कार्य गराएको छ ताकि म मानिसहरुलाई आग्रह गरौँ आएर भोट हाल्नुहोस् । यो धेरै पहिले देखि नै भइरहेको कुरा हो । मलाई र अरु थुप्रै कलाकारहरुलाई पनि यस्तो आग्रह गरिन्छ । तर म भन्दैन कि तपाईँ यसलाई वा उसलाई भोट हाल्नुहोस् । ’

आमिरले अगाडि भने, ‘म यो भन्न सक्दैन कि कसरी भोट दिने, सबै भारतीय स्मार्ट छन । उनीहरु आफै सोचुन् र आफ्नो आवश्यकताको मुद्दा उठाउनेलाई भोट गरुन् । तर यो कुरा आवश्यक छ कि सबै समय निकालेर आउन् र आफ्नो मताधिकारको प्रयोग गरुन् । ’

आमिरलाई अब पत्रकारहरुले सोधे, ‘भारतीय जनता पार्टीका लागि प्रचार गर्नुहुन्छ ?’

प्रश्न भुईमा झर्न नपाउँदै आमिरले भने ‘म कुनै पार्टी र नेताका लागि प्रचार गर्दैन ।’