कैलाली-कैलालीको बर्दगोरीया गाउँपालिका–२ कुम्भीया गाउँकी मीना बमलाई ‘ब्लड क्यान्सर’ भएको दुई वर्ष भयो।
एक वर्षदेखि लगातार उपचार गरे पनि उनको स्वास्थ्यमा सुधार नभएपछि घरमै थला परेकी छन्। बमको आर्थिक अवस्था कमजोर भएकोले थप उपचार गर्न कठिनाई भएको छ।
‘मलाई अस्पताल लैजाउ, म बाँच्न चाहन्छु’, उनी पीडा सुनाइरहन्छिन्। चिकित्सकका अनुसार बमको उपचार गर्न करीब रु १० लाख लाग्छ।
आफूसँग त्यति धेरै रकम नभएकाले उपचार नगरी घरमै राख्नुपरेको बमकी आमा शारदाले बताइन्। ‘छोरीको उपचार गर्दागर्दै आफूसँग भएको सबै सम्पत्ति सकियो। खेतबारी पनि बेचें। अब यही सानो घर छ। यो पनि बेचेर कहाँ गएर बस्ने’, उनले आफ्नो पिडा सुनाइन्।
उनले छोरीको उपचारका लागि काठमाडौँ, चितवन र भारतको लखनउसम्म धाइन्। उनले भनिन् ‘छोरीलाई बचाउन चाहन्छु तर उपचार खर्चको जोहो गर्न गाह्रो भयो।
श्रीमान्ले वेवास्ता गर्दा उपचारमा बाधा पुगेको बमका मामा टेकबहादुर शाहले बताए।
भर्खरै
लोकप्रिय
