बाटो छेउका भित्ताहरुको ‘चित्र संसार’

बाटोले सपनाहरु हिडाउँछ, रहरलाई गन्तव्य देखाउँछ । आफ्नाहरुलाई मिलाउँछ र छुटाउँछ पनि। बाटो छेउका भित्ताहरु साझी बन्छन् सबै घटना–परिघटनाहरुका । नियाल्दै हिँड्ने र बेफुर्सदमा हुईँकिनेहरुको केहीछिन अडिने नजरको पर्खाईमा हुन्छन् भित्ताहरु ।

काठमाडौँ खाल्डोका कुनै बाटो वा गल्ली यस्ता छैनन्, जसमा हतारको हिँडाई नहिँडेका हुन् मानिसहरुले । यिनै बाटोसँगै जोडिएका भित्ताहरुमा कसैले बनाइदिएका आकृतिहरु छन्, चित्रहरु छन् । भित्ताहरुमा बनाइएका विविध रंगका चित्रहरुमा त्यहि बाटो हुँदै दिनहुँ कुद्ने सपनाहरुले जीवन पाएका छन् ।

भित्तामा कोरियाका चित्रहरुमा कतै समयको चित्रण, कतै समस्याको जड भेटिन्छ । भोलिको आश र विपना बन्नु पर्ने सपनाहरु, आफ्नाहरु र पराईहरुको चित्र भित्ताका कलाहरुमा पाइन्छ ।

देश सञ्चारका फोटो पत्रकार सुलभ श्रेष्ठले काठमाडौँ उपत्यकाका विभिन्न गल्ली छेउका भित्ताहरुमा बनाईका चित्रहरुलाई आफ्ना केही तस्बिरमा समेट्ने प्रयास गरेका छन् ।