काठमाडौं-नेपाल टेलिकमले सातै प्रदेशमा फोरजी सेवा विस्तार गरेको छ। नेपाल टेलिकमकी प्रवक्ता प्रतिभा वैद्यले सातै प्रदेशमा फोर जी सेवाको काम तीव्र रुपमा भइरहेको जानकारी दिएकी हुन्।
बिहिबार नेपाल टेलिकमको केन्द्रीय कार्यालयमा आयोजित सञ्चारकर्मीहरुसँगको अन्तरक्रिया कार्यक्रममा बोल्दै उनले भनिन्, ‘ फोर जी सेवाको विस्तारका लागि साइट सर्भेको काम ६५ प्रतिशत सकिएको छ।अब हामी देशैभरी फोरजी सेवा विस्तार गर्न सक्षम भइसकेका छौ। ‘
नेपाल टेलिकमले १२ महिनामा सम्पन्न हुने गरी सातै प्रदेशमा फोर जी सेवा सञ्चालन गर्ने सम्झौता गत माघ २० गते गरेको थियो। उनले भनिन् ‘फोर जी सेवा विस्तारका लागि आवश्यक उपकरणहरु भित्र्याउने काम सुरु भइसकेको छ। ती उपकरणहरुको जडान गर्ने काम अर्को सातादेखि गर्नेछौं।’
यसका साथै १ करोड लाइन मोबाईल आयोजना अन्तर्गत समस्या देखिएका ठाँउमा ग्राहकको माग अनुरुप मोबाइल टावर थप गरिनेछ भने सो आयोजना अन्तरगत मोबाइल टावर थप गर्ने काम चालु आर्थिक वर्षभित्रमा पूरा गर्ने लक्ष्यका साथ काम हुने प्रवक्ता वैद्यले गरिन्।
टेलिकमले सातै प्रदेशमा फोर जी सेवाको विस्तारका लागि चीनको जी कम्पनी र हङकङको सीसीएसआई कम्पनीसँग सम्झौता गरेको थियो।
भर्खरै
लोकप्रिय
