आइफोन निर्माता कम्पनी एप्पलले आइट्युन्स विस्थापित गर्ने घोषणा गरेको छ । आइट्युन्सलाई एप्पल म्युजिक, एप्पल पोडकास्ट र एप्पल टिभीले विस्थापित गर्ने एप्पलले जनाएको छ ।
एप्पलले १८ वर्षपछि आइट्युन्स विस्थापित गरेको हो । उसले सन् २००१ मा आइट्युन्स ल्याएको थियो । विण्डोजमा भने आइट्युन्स परिवर्तन हुने छैन । यस्तै आइट्युन्स स्टोर एप आइओएसमा भने रहने छ ।
सान जोसेमा भएको डेभलपरहरुको वार्षिक सम्मेलनमा एप्पलले गोपनियता सम्बन्धी केही नयाँ विशेषताहरु पनि ल्याउने एप्पलले जानकारी दिएको छ ।
प्रयोगकर्ताको इमेल तथा अरु तथ्यांक गोप्य राख्नका लागि एप्पल एप्समार्फत सामाजिक सञ्जालहरु प्रयोग गर्दा वैकल्पिक साइन इनको व्यवस्था गरिने भएको छ ।
यस्तै गोपनियताकै लागि फेकसबुकको ट्र¥याकिङ्ग टुल्सलाई रोक्ने भएको छ । गोपनियता आधारभूत मानवअधिकार रहेकाले त्यसको सम्मानका लागि नयाँ फिचरहरु ल्याइएको एप्पले जनाएको छ ।
यस्तै आउँदै गरेको आइओएस १३ मा आइफोन, आइप्याड तथा आइपोडमा डार्क मोड पनि हुने छ विकल्पका रुपमा । यस मोडमा आइफोनका एप्लिकेशनहरु डार्क पृष्ठभूमिमा हेर्न मिल्नेछ, जसमा अक्षरहरु उज्याला हुने छन् । यसले आँखाका लागि सहज हुने एप्पलले उल्लेख गरेको छ ।
भर्खरै
लोकप्रिय
