हुम्ला, सिमकोट – सर्केगार्ड गाउँपालिका वडा नम्बर दुई रिपको कोट प्राविका विद्यार्थीलाई पालमुनि राखेर पढाइएको छ ।
विद्यालयको जिर्ण भवन भत्काएर नयाँ भवन निर्माण कार्य भैरहेकोले कक्षा पाँचसम्म पढाई हुने उक्त विद्यालयले चौरमा पाल टाँगेर पढाई गर्ने व्यवस्था गरेको हो ।
चौरमा पाल टांगेर अध्ययन गरिरहेकी कक्षा पाँचकी छात्रा जानकी फडेराले आफूहरुलाई समस्या भएको बताएकी छन् । केही कक्षाको पाल ठिकै भए पनि केहीको भने च्यातिएका कारण पठनपाठनमा समस्या हुँदै आएकोे छ ।
भवन जिर्ण र काम नलाग्ने भएपछि ती भवनलाई भत्काएर नयाँ निर्माण गर्न लागिएको विद्यालयका प्रधानाध्यापक प्रेम महताराले बताए ।
नयाँ र सुविधा सम्पन्न भवन निर्माणको क्रममा रहेकाले केही समय पालमै डेस्कबेन्च राखेर पठनपाठन गर्नु विद्यालयको बाध्यता रहेको उनको भनाई छ । १६० जना विद्यार्थी रहेको उक्त विद्यालयमा एक करोड ६० लाखको लागतमा भवन बनाउन थालिएको हो ।
भर्खरै
लोकप्रिय
