हुम्ला, सिमकोट – सिमकोट–हिल्सा सडक खण्डको सबै भन्दा असजिलो क्षेत्रका रुपमा रहेको च्याछराको चट्टानी भीर फुटाउने कार्य अन्तिम चरणमा पुगेको छ । अब चारपटक बिस्फोट गराएर चट्टान फोरेपछि प्रारम्भिक ट्रर्याक खोल्ने कार्यसम्पन्न हुनेछ ।
च्याछरा भीरको चट्टानी भागमा पनि अन्तिम बिस्फोट गर्ने तयारी भैरहेको निर्माण कम्पनी सपना दुलिखेल जेभीका स्थानीय प्रतिनिधि तेजबहादुर महतले बताए ।
अन्तिम चरणको चारवटा बिस्फोटका लागि नेपाली सेनाको टोली सिमकोटबाट जानु पर्छ । अहिले बिस्फोट भएको भागमा ग्याबिन भर्ने कार्य समेत भैरहेको छ । उक्त क्षेत्र साढ चार सय मिटर रहेको छ ।
पुल पनि एक वर्षमा बन्ने
सिमकोट–हिल्सा सडक आयोजनाको लागि ६ वटा पुल निर्माण हुनु पर्नेमा हालसम्म हिल्सामा कर्णाली नदी माथि र तुक्मकोटको पुल निर्माण कार्य सम्पन्न भएको योजना प्रमुख मिश्रले बताए ।
सल्ली, ताग्रु खोला र हेक्पा खोलामा पनि यसै वर्ष पुल बन्ने उनको दाबी छ । यसमा ताग्रु खोलामा केही समस्या भए पनि पुल निर्माणका लागि निर्माण कम्पनीलाई ताकेता गरिसकेको आयोजनाले जनाएको छ ।
भर्खरै
लोकप्रिय
