हुम्ला, सिमकोट – कृषि पेशामा सबैले उपेक्षा गरीरहेको अवस्थामा हुम्ला जिल्लाका एक वडा सचिव धर्मराज रोकाया कार्यालयबाट बचेको समयमा तरकारी खेतीमा लागेका छन् । सिमकोट गाउँपालिकाको वडा सचिवमा कार्यरत रोकायाले कार्यालयको कामबाट बचेको समयलाई तरकारी खेतीमा लगाएर अतिरिक्त कमाई गरिरहेका छन् ।
बर्सेनि रुपमा आफ्नै लागि भए पनि तरकारी खेती गरिरहनु भएका सचिव रोकायाले गत वर्षदेखि आफ्नो जग्गाका साथै केही जग्गा भाडामा लिएर तरकारी खेती सुरु गरेको र आम्दानी पनि राम्रै हुन उनले बताए । गत वर्ष दुई लाखसम्म तरकारी खेतीबाट कमाई गर्नु भएका रोकायाले यसपाली आफ्नो र भाडामा लिएको जग्गा गरी आठ सय वर्ग मिटरमा तरकारी खेती सुरु गरेका थिए ।
तरकारी बारीमा फलेका टमाटर देखाउँदै रोकायाले यसपाली तरकारी राम्रो फलेको देख्दा आम्दानी पनि बृद्धि हुने उनले बताए । तीन सय वर्ग मिटर जग्गामा टमाटर फलाएको र बाँकी अरु जग्गामा काउली, बन्दा, प्याज, धनिया, गाँजर र मुला लगाएको र अब केही दिनमा बजारमा बिक्री सुरु भएको छ । टमाटर भने दाना लागेको भए पनि पाकी नसकेको कारण बजारमा आउन भने अझै केही समय लाग्ने छ ।
पाँच सन्तानका पिता रोकायाका चार छोराछोरी विवाह गरेर जागिर आएको र आफू पनि जागिरसँगै तरकारी खेतीमा लागेको उनले बताएका छन् । नेपालगञ्ज र सुर्खेतबाट महंगो हवाई ढुवानी भएर आएको तरकारी भन्दा एक सय रुपैयाँ कम सस्तोमा तरकारी बिक्री गर्ने गरेका छन् ।
तरकारीको अडर लिन बारीमा आउने गरेका छन् । यो पेशालाई उनलाई श्रीमती मुसी रोकायाले सघाई रहेकी छन् । यो सिजनमा कम्तीमा पनि तरकारीबाट तीन लाख कमाई हुने उनले आँकलन छ ।
भर्खरै
लोकप्रिय
