सिमकोट – हुम्लाकी एक महिलालाई सुत्केरी व्यथाले च्यापेको २७ घण्टापछि हेलिकप्टरबाट उद्धार गरेर अस्पताल लगि ज्यान जोगाइएको छ ।
चंखेली गाउँपालिका वडा नम्बर ३ रोकायाबाडाकी अबकती बुढालाई व्यथा लागेको २७ घण्टा पछि सदरमुकाम सिमकोटबाट गएको हेलिकोप्टरमार्फत उद्धार गरेर अस्पताल लगिएको थियो ।
हेलिकप्टरबाट उद्धार गरेर अस्पताल लगि भ्याकुमबाट अप्रेशन गर्दा आमा र बच्चा दुवैको ज्यान जोगिएको महिलाका श्रीमान् कालीबहादुर बुढाले बताए । २२ वर्षीया बुढाले दोस्रो सन्तान जन्माएकी हुन् ।
हेलिकप्टरबाट उद्धार गरी ल्याएपछि भ्याकुम अप्रेशन गरेर सफलतापूर्वक तीन केजी सात सय ग्रामको बच्चा जन्मिएको जिल्ला असपतालकी सिनियर अनमी सरिता बोहराले बताइन् । हाल आमा र बच्चा दुवैको अवस्था सामान्य रहेको उनले बताइन् ।
चंखेलीमा गर्भवती महिला छट्पटाई रहेको खबर आउना साथ सिमकोटमै रहेका नीजि हेलिकोप्टरहरुसँग कुरा गरेर उद्धारका लागि पठाइएको प्रमुख जिल्ला अधिकारी बिनीता भट्टराईले बताइन् ।
मनाङ एयरको हेलिकोप्टरले उद्धार गरेको र यसको आर्थिक व्ययभार संघीय सरकारबाट वा प्रदेश सरकारबाट भुक्तानी हुने उनले बताइन् ।
भर्खरै
लोकप्रिय
