बृहत स्तरमा भएको आनुवंशिक अध्ययनबाट यो पुष्टि भएको छ कि कुनै पनि व्यक्ति समलिंगी अर्थात गे हुनुमा आनुवंशिक कारण छैन । झण्डै पाँच लाख व्यक्तिमा गरिएको आनुवंशिक अध्ययनबाट व्यक्तिलाई समलिंगी बनाउने एउटा पनि जिन नरहेको पुष्टि भएको हो ।
अनुसन्धान प्रतिवेदन साइन्स जर्नलमा प्रकाशित भएको छ । बेलायतको बायोबैंक तथा २३ एण्ड मी बाट लिइएका आनुवंशिक तथ्यांकहरुको अध्ययनबाट समलैंगितामा कुनै पनि आनुवंशिक कारण नरहेको देखिएको हो । तर समलैंगिक व्यवहारका लागि आनुवंशिक फ्याक्टरको सम्बन्ध २५ प्रतिशतसम्म देखिएको छ ।
अधिकारवादी संस्था ग्लाडले भनेको छ, ‘अध्ययनले पुष्टि गरेको छ कि प्रकृति वा पालनपोषणको प्रभाव गे वा लेस्बियन व्यक्तिको व्यवहारमा कुनै पनि प्रभाव रहँदैन ।’
अनुसन्धानकर्ताले चार लाख ७७ हजार ५०० सय व्यक्तिको आनुवंशिक संरनाको सम्पूर्ण अध्ययन गरेका हुन् । अनुसन्धानमा सहभागीलाई समलैंगिक यौन सम्बन्ध मात्रै कायम गरेको छ कि विपरित लिंगीसँग पनि यौन सम्बन्ध कायम गरेको छ भन्ने बारे पनि सोधिएको थियो ।
हार्वर्ड र एमआइटीका अनुसन्धानकर्ताले बृहत अध्ययनबाट कुनै पनि व्यक्ति गे वा लेस्बियन बन्नुमा आनुवंशिक कारण नरहेको पुष्टि गरेका हुन् । तर समलैंगिक व्यक्तिको व्यवहारमा भने ८ देखि २५ प्रतिशतसम्म समानता देखिने अनुसन्धानबाट थाहा भयो ।
पाँचवटा विशेष जेनेटिक भेरिएन्टसहरु भने पाइए जुन विशेष रुपमा समलैंगिक व्यवहारसँग सम्बन्धित छन् । त्यसमध्य एक सुँघ्ने पाथवेसँग सम्बन्धित छ भने अरु चारवटा समलैंगिक हर्मोनसँग सम्बन्धित रहेका छन् । तर समलैंगिक व्यवहारमा तिनीहरुको समग्र प्रभाव भने एक प्रतिशत भन्दा कम हुने देखियो ।
अनुसन्धानमा संलग्न मासाचुसेट्स जनरल हस्पिटलमा एनालिटिक एण्ड ट्रान्सलेसनल जेनेटिक्स युनिटका एसोसिएट प्रोफेसर बेन निएलीले भने, ‘एउटा पनि गे जिन पाइएन र कुनै व्यक्ति समलैंगिक हो वा होइन भनेर गरिने जेनेटिक परीक्षणको कुनै फाइदा छैन । कुनै पनि व्यक्तिको यौन व्यवहारबारे उनीहरुको जेनोमबाट भन्न विलकुलै सकिँदैन ।’
भर्खरै
लोकप्रिय
