सिरहामा लागु औषध गाँजासहित एकजना पक्राउ

जनकपुरधाम- सिरहामा लागु औषध गाँजासहित एकजना पक्राउ परेको छ।

पक्राउ पर्नेमा मिर्चैया नगरपालिका वडा नं. ५ पुरानोबजारका ५० वर्षीय राम कुमार मण्डल रहेको सिरहाका प्रहरी प्रवक्ता प्रहरी नायव उपरिक्षक अपिल राज बोहराले जनाएका छन्।

आज ईलाका प्रहरी कार्यालय मिर्चैया सिरहाबाट खटेको गस्ती टोलीले मण्डललाई ५ के.जी गाँजासहित पक्राउ गरेको सिरहा प्रहरीले जनाएको छ।

पक्रउ परेको मण्डललाई ईलाका प्रहरी कार्यालय मिर्चैया सिरहामा ल्याई थप अनुसन्धान थालेको प्रहरी प्रवक्ता बोहराले जनाए।