सिमकोट-कुनै समय लगाएका स्याउका बोट नफल्दासम्म कहिले फल्ला भन्ने चिन्ता हुन्थ्यो हुम्लाका स्याउ खेती गर्ने किसानमा ।तर,अहिले फलेर मात्र के गर्नु ग्राहक र बजारको समस्या झेल्नु परेपछि फेरि अर्को चिन्ता थफिएको छ । अहिले हुम्लाका बासिन्दाको एउटै माग छ बाटो चाँडै बनाई दे सरकार।
साढे दुईसय भन्दा बढी बोट लगाएर स्याउ फल्न थालेपछि सिमकोट गाउँपालिका वडा नम्बर २ का किसान परिमल भण्डारीलाई यतिखेर अब फलेका स्याउलाई कसरी बजारको व्यवस्था गर्ने भन्ने पिरलो थपिएको छ । सायद हुम्ला सडक सञ्जालसँग जोडिएको भए उनमा त्यस्तो चिन्ता हुने थिएन । स्याउ राम्रो फलेको बारी देखाउँदै भण्डारीले भने ‘अब यी फलेका स्याउको लागि बजार र ग्राहक कसरी जुटाउने होला? ’
यसपाली उनले आफ्नो बारीमा ४० देखि ५० क्वीन्टल स्याउ फल्ने अनुमान गरेका छन् । स्याउ राम्रो फलेपछि अब भण्डारीलाई सरकारसँग एउटै माग छ, ‘बाटो चाँडै बनाई दे सरकार ।’
यता सिमकोट गाउँपालिका वडा नम्बर ५ का किसान धोचे रोकायाका पनि दुईसय बोटले यसपाली फल दिन सुरु गरेका छन् । रुखमा स्याउ लटरम्मै फलेको देख्ने बित्तिक्कै रोकायालाई बजारको चिन्ता लागि हाल्ने गरेको छ । सिमकोटमा मिठो र ठूला दाना फल्ने नाम कमाएको रोकायाको स्याउ बारीमा यसपाली ३० क्वीन्टल भन्दा बढी स्याउ फल्ने अनुमान उनको छ । बजारको व्यवस्थाका लागि सरकारले केही पहल गरि दिए अरु केही गर्नु नपर्ने उनको तर्क छ ।
हुम्ला जिल्लाका सातवटै गाउँपालिकाहरुमा स्याउ खेती राम्रो हुने भए पनि हालसम्म सिमकोट गाउँपालिकामा सबै भन्दा बढी स्याउ फल्ने गरेको छ । हवाईजहाजबाट नेपालगंजबाट सुर्खेत ढुवानी गर्दा प्रति केजी ६० रुपैयाँ तिर्नु पर्ने हुन्छ । यसरी जिल्ला बाहिर निकासी गरिएका स्याउ ढुवानी महँगो भएकै कारणले बजारमा प्रतिस्पर्धा गर्न नसक्ने भएपछि स्याउ किसानहरु पनि बाहिर निकासी गर्ने आँट पनि गर्न नसक्ने अवस्थामा पुगेका हुन् ।
कृषि ज्ञान केन्द्रले हुम्लाका अनुसार दुई हजार दुई सय मेट्रिकटन स्याउ जिल्ला भरि उत्पादन हुने क्षेमता राख्ने भए पनि यस वर्ष १७३ मेट्रिकटन स्याउ उत्पादन हुने अनुमान छ ।
यसमा ५४० हेक्टर जमिनमा स्याउ लगाइएको छ । एक सय भन्दा बढी स्याउका बोट लगाएर स्याउ खेती गर्ने किसानको संख्या मात्र दुई सय रहेको छ ।
भर्खरै
लोकप्रिय
