धनगढी– विजया दशमी २०७६ नजिकिदै जाँदा सुदूरपश्चिम प्रदेशको अस्थायी राजधानी सुनसान बन्न थालेको छ।
प्रदेशका ९ वटै जिल्लाबाट धनगढी बसाईसरी आएका वा कामको शिलसिलामा धनगढी प्रवेस गरेका नागरिक दशैमनाउन पहाडी जिल्लामा रहेका आफन्तजन समक्ष जान थालेपछि प्रदेशको अस्थायी राजधानी सुनसान बन्न थालेको हो ।
घटस्थापनादेखि नै मानिसहरु पहाडी जिल्लामा प्रवेस गर्नेक्रम सुरुभएसँगै धनगढी लगायत कैलालीको आवतजावत पातलिन थालेको हो । सुदूरपश्चिम प्रदेश ट्राफिक प्रहरी कार्यालयका अनुसार घटस्थापनादेखि नै पहाडी जिल्लाका लागि दैनिक एक हजार दुईसय निजी तथा सार्वजनिक सवारी छुट्ने गरेका छन् ।
प्रदेश ट्रफिक प्रहरी कार्यालय अत्तरियाका अनुसार दैनिक ८ हजारको हाराहारीमा प्रत्यक दिन मानिसहरु पहाडी जिल्ला तर्फ जानेगरेका छन् ।
प्रदेश ट्राफिक प्रहरी प्रमुख प्रहरी निरीक्षक मोहन साउदका अनुसार हाल सम्म डेढलाख मानिस कैलाली छोडेर पहाडी जिल्ला तर्फ प्रस्थान गरेका छन् । सामान्य समयमा कैलाली भएर डेढ सयको हाराहारीमा सार्वजनिक सवारी साधन सञ्चालन हुने गरेकोमा अहिले दैनिक एक हजार दुईसय निजी तथा सार्वजनिक सवारी साधन पहाडी जिल्ला तर्फ जानेगरेको उनले बताए ।
कैलाली जिल्लाबाट सुन्दर सुदूरपश्चिम यातायात प्राली, रिभरसाईड यातायात प्राली, मालिका यातायात प्राली र खप्तड मालिका यातायात प्रालीका सवारी मार्फत यात्रुहरु पहाडी जिलला तर्फ प्रस्थान गर्न थालेका हुन् ।
मानिसहरु कैलाली छोडेर जान थालेपछि सुरक्षा चुनौती बढेको भन्दै प्रहरीले सुरक्षा सतर्कता बढाएको छ । मानिसहरु घर छोडेर दसैँ मनाउन जाँदा चोरी डकैतीका घटना बढ्नसक्ने आँकलन सहित सुरक्षा व्यवस्था कडा पारिएको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक दक्षकुमार बस्नेतले बताए ।
उनले गाउँगाउँ सम्म पहुँच हुने गरी सुरक्षाका संयन्त्र परिचालन गरिएको बताए ।
भर्खरै
लोकप्रिय
