अ
+
अ
अ
-
जनकपुरधाम– स्वास्थ्य राज्यमन्त्रीको शुभकामना आदान प्रदान तथा चियापान कार्यक्रममा ग्यास सिलिण्डर लिक हुँदा आगो लागेर चार जना घाइते भएका छन् ।
शुक्रवार सोनमा गाउँपालिका वडा नं. ८ स्थित स्वास्थ्य तथा जनसंख्या राज्यमन्त्री डा. सुरेन्द्र यादव प्रमुख अतिथि रहेको शुभकामना आदान प्रदान तथा चियापान कार्यक्रममा चिया पकाउन जाँदा ग्यास सिलिन्डर लिक भई आगो लाग्दा चार जना घाइते भएका हुन् ।
घाइते हुनेमा २७ वर्षीय ओम प्रकाश(सरोज) यादव, २८ वर्षीय कौशल यादव, १६ वर्षीय सन्तोष पासवान र १८ वर्षीय रिकेश यादव घाइते भएका छन् ।
जलेर घाइते भएकाहरुको प्राथमिक उपचार गौशालाको क्लिनिकमा सामान्य उपचारपछि थप उपचारका लागि जनकपुरस्थित जानकी हेल्थ केयरमा भर्ना गरिएको छ ।
उपचाररत चारजना मध्ये ओम प्रकाश यादव र कौशल यादवको अवस्था गम्भीर छ ।
भर्खरै
लोकप्रिय
