जनकपुर – जनकपुर विमानस्थलमा बुद्ध एयरको काउन्टर तोडफोड गर्ने राजपा नेपालका सांसद प्रमोद कुमार साहविरुद्ध अदालतले पक्राउ पूर्जी जारी गरेको छ।
सोमवार जनकपुर विमानस्थलको बुद्ध एयरको काउन्टरमा तोडफोड गरेको भन्दै नेपाल नागरिक उडड्यन प्राधिकरण जनकपुरले राजपा नेपालका सांसद प्रमोद कुमार साहमाथि किटानी दिएपछि उनलाई पक्राउ गर्न पक्राउ पूर्जी जारी भएको हो ।
नागरिक उडड्यन प्राधिकरण जनकपुरले जिल्ला प्रहरी कार्यालय धनुषामा गैर सैनिक हवाई उड्डयन ऐन २०१५ अन्तर्गत मुद्दा दिएपछि जिल्ला अदालत धनुषाबाट पक्राउ गर्न आदेश लिएको धनुषाका प्रहरी प्रमुख प्रहरी उपरीक्षक शेखर खनालले बताए ।
सांसद साहलाई पक्राउ गर्न जिल्ला अदालत धनुषाबाट अनुमति लिई पक्राउ गर्न काठमाडौँमा पक्राउ पूर्जी पठाएको प्रहरी उपरीक्षक खनालले बताए ।
सांसद साहले सोमवार जनकपुर विमानस्थलमा विमान ढिलो आएको भन्दै बुद्ध एयरको काउण्टरमा तोडफोड गरेका थिए ।
भर्खरै
लोकप्रिय
