जनकपुरधाम – हुन त छठपर्व ताल तलैया, पाेखरी तथा नदी भएकाे ठाउँमा मनाइन्छ।
तर तराई–मधेसमा जहाँ पानीको अभाव छ, त्यहाँका स्थानीयले कृत्रिम ठाउँ बनाएर तथा कुवा–इनार भएको ठाउँमा निष्ठापूर्वक छठ मनाउने गर्छन्। महोत्तरी र धनुषामा त्यस्ता धेरै ठाउँ छन् जहाँ पोखरी तथा नदी छैनन्।
महोत्तरीको बर्दिबास नगरपालिका वडा नं. ९ पशुपति नगरमा सबै जना इनारमा नै छठ मनाउँछन्। पशुपतिनगरमा पोखरी र नदी नभएपनि विगत लामाे समयदेखि भव्य रूपमा छ्ठ मनाउँदै आएको स्थानियहरु बताउँछन्।
स्थानीय महेन्द्र महतोले वर्षौदेखि इनारमै छठ मनाउँदै आइरहेको बताए। उनले छठपर्व पानीकाे मुहान भएको ठाउँमा मनाउनु पर्ने मान्यता रहेकाेले इनारकै सरसजावट गरेर छठ मनाउँदै आएको बताए।
पहाडी तथा उचाई भएको ठाउँमा कुनै ठाउँमा कुवामा छठ मनाईन्छ भने कतै अस्थायी रुपमा पानी जम्मा गरेर स्थानीयले छठ पर्व मनाउँदै आएका छन्।
भर्खरै
लोकप्रिय
