धनगढी– नेपाली कांगेसका सभापति शेरबहादुर देउवाले डाक्टर गोविन्द केसीका मागका बारेमा आफूलाई जानकारी नभएको बताएका छन्।
शुक्रबार कञ्चनपुरमा हुने नेपाल शिक्षक संघको प्रदेश भेला उद्घाटन गर्न बिहीबार धनगढी आएका सभापति देउवाले धनगढी विमानस्थलमा पत्रकारसंग कुरा गर्दै अनसन तोडेकोमा डाक्टर केसीलाई धन्यवाद दिए।
उनले भने, ‘अनसन तोडेकोमा डाक्टर केसीलाई धन्यवाद छ तर उनका मागका बारेमा भने मलाई थाहा छैन।’ डाक्टर गोविन्द केसी डडेल्धुरामा ९ दिन अनसन बसी अनसन स्थगित गरेर आज मात्र काठमाडौं फर्किएका छन्।
पूर्वप्रधानमन्त्री एवं कांग्रेस सभापति देउवाले लिपुलेकका सम्बन्धमा देखिएको विवादको समाधान कुटनैतिक तवरबाट खोजिनु पर्ने बताए। उनले भने, ‘सडकमा नाराजुलुस गरेर समस्याको समाधान हुँदैन, सरकारले कुटनितिक पहल गर्नुपर्छ।’
सभापति देउवाले आगामी मंसिर १४ गते हुने उपनिर्वाचनमा कांग्रेसको कुनै दलसँग तालमेल नरहने स्पष्ट पारे। उनले भने, ‘उपनिर्वाचनमा सबै कांग्रेस एकजुट भएर लाग्नुहोस्।’ सभापति देउवाले नेविसंघको नेतृत्व चयन पनि चाँडै हुने बताए।
भर्खरै
लोकप्रिय
