चोरीको गहना र नगद् सात लाखसहित एकजना पक्राउ

जनकपुरधाम – धनुषामा भारतबाट नेपाल तर्फ ल्याउँदै गरेको चोरीको गरगहना र ठूलो रकमसहित एकजना पक्राउ परेको छन् ।

शनिबार दिउँसो करिब १ बजेको समयमा भारतको जयनगरबाट नेपाल तर्फ ल्याउँदै गरेको करिब ६ किलो चोरीको गरगहना र नेपाली रकम ७ लाख ३० हजार १ सय रुपैयाँसहित एकजनालाई सशस्त्र प्रहरीले पक्राउ गरेको छ ।

पक्राउ पर्नेमा सिरहा जिल्लाका ४८ वर्षीउ अजय गुप्ता रहेका सशस्त्र प्रहरीबल नेपाल नं. ८ गण हेडक्वाटर धनुषाका प्रहरी उपरीक्षक राजेश उप्रेतीले जानकारी दिएका छन् ।