पोखरा – सत्तारुढ दल नेकपाको चुनावी सभा चलिरहेको स्थान नयाँबजार प्रदर्शनी केन्द्र नजिकै विस्फोट गराएको आरोपमा एकजनालाई कास्की प्रहरीले पक्राउ गरेको छ।
घटना लगत्तै सर्तकता बढाएको प्रहरीले सोही स्थानबाट एक जनालाई नियन्त्रणमा लिएको गण्डकी प्रदेश प्रहरी कार्यालयका प्रहरी उपरीक्षक दीपक रेग्मीले जानकारी दिए। पक्राउ परेका व्यक्तिको प्रहरीले नाम खुलाएको छैन। तर निर्वाचन बहिष्कार गरिरहेको नेत्र विक्रम चन्द विप्लव समूहले सुनियोजित रुपमा घटना घटाएको आंशका छ।
सभामा नेकपाका नेता सुवासचन्द्र नेम्वाङले सम्बोधन गरिरहँदा विस्फोट भएको थियो। नेम्वाङको सम्बोधन सकिएलगत्तै अध्यक्ष पुष्पकमल दाहाल प्रचण्डले सम्बोधन गरेका थिए।
प्रदर्शनी केन्द्रको डोम नजिकै फोहोरको थुप्रोमा विस्फोटक पदार्थ ठूलो आवाजमा पड्किदा छेउमा पार्क गरी राखेको ग १ ख ६७९४ नम्बरको सार्वजनिक बसको सिसामा क्षति पुगेको छ। घटनाबारे थप अनुसन्धान भइरहेको प्रहरी उपरीक्षक रेग्मीले जानकारी दिए।
भर्खरै
लोकप्रिय
