सिमकोट – हिमाली जिल्लाका किसानहरुलाई हिउँदको समयमा पशु पालन गर्न घाँसको मौज्दात गर्नु पर्ने बाध्यता भएको छ । । पाँच देखि ६ महिनासम्म वनमा घाँस नपाईने भएपछि उक्त अबधिमा पशुपालन गर्न आवश्यक पर्ने घाँसको मौज्दात गर्नु पर्ने किसानहरु बताउँछन् ।
मंसिरपछि चैत्र र बैशाख महिनासम्म हिमाली जिल्लाहरुमा पशुबस्तु वनमा चराउन नसकिने भएपछि यस पाली एक हजार पाँच सय पुला ( पाँच केजी सम्मको मुठा) घाँस काटेर मौज्दात गरेर राखेको सर्केगार्ड गाउँपालिका वडा नम्बर ३ को उनापानीका रुपा महतारोराले बताइन् ।
१५ वटा गाई गोरु पाल्न फडेराले गत कार्तिक र मंसिर महिनामा घाँस काटेर राखेका हुन् । यो घाँसलाई आगो र हिउँ पानीबाट बचाउन पनि निक्कै सकस हुने गरेको छ । यसरी ६ महिनाको लागि घाँस मौज्दात गरेर राख्नु माथिल्लो हुम्लाका सबै किसानहरुको बाध्यता छ ।
यता दुई हजार पाँच सय पुला घाँसको थुप्रो लगाएर मौज्दात गरेका सोही वडाका लालधन फडेराले हिउँद भरि पुग्ने घाँस राखेको बताए । १७ वटा पशुबस्तु भएका उनलाई सुख्खा याममा आगालागी र हिउँ पर्दा कुहिने चिन्ताले सताउने गरेको छ ।
भर्खरै
लोकप्रिय
