सिमकोट- हिमाली जिल्ला हुम्लामा एक फिट भन्दा बढी हिँउ जमेको छ भने हिँउ पर्ने क्रम जारी रहेको छ । बिहीबार दिउँसोबाट हिँउ पर्ने क्रम शुरु भएको थियो । सो क्रम अहिलेसम्म जारी रहेको छ ।
हिमपात भैरहेकोले अहिलेको तापक्रम माइनस ६ डिग्री रहेको छ । मानिसहरुको हिँडडुल बाहिर निक्कै पातलो रहेको छ । अत्यावश्यक काम परेका मानिसहरु मात्र बाहिर निस्केका छन् ।
कर्मचारीलाई पनि कार्यालयमा जान कठिन छ । हिमपातले बिहानबाटै अबरुद्ध भएको हिल्दुम साना जलबिद्युत आयोजनाको विद्युत सुचारु हुन सकेको छैन । यसले गर्दा नेपाल टेलिकमको एडिएसएल सेवा र जिएसएम सेवा बन्द भएको छ । त्यसै गरि एनसेलको सेवा पनि बन्द छ । दुई दिन देखि जिल्लाको एक मात्र हवाई सेवा बन्द रहेको छ ।
हुम्लाको यो पाँचौँ पटक हिमपात हो । हिमपातले चिसो निक्कै बढेको छ । जमिन जताततै सेताम्मे भएको छ । हुम्ला जिल्लाका सिमकोट र नाम्खा गाउँपालिकामा हिमपात भै रहेको छ भने दक्षिणी क्षेत्रमा पनि हिँउ पर्न सुरु भएको छ ।
भर्खरै
लोकप्रिय
