अ
+
अ
अ
-
हाइकु
पृथ्वी नचिन्दै
पृथ्वीबाट ओझेल
एउटा पुस्ता !
घुस लिनेले
चिन्नु परेन पृथ्वी
घुस दिनेले ।
सम्झिरहेछु
बिस वर्षे त्यो राजा!
गर्विलो आँट !
कालु पाँडे कि ?
बिराज बखेती हँ !
जन्ताकै मर्जी ।
युद्ध जितेर
कुमारी ढोग्ने पृथ्वी
सिक्नै जानेनौँ !
टुक्राटुक्रामा
टुक्र्याउदै जाँदा त
टुक्रो भएँ म !
खल्ती खोलेर
खल्तीमात्र भरियो
शकुनी–छाँट
शालीक तोड्दै
मालिक रिझाउने
शासकहरू !
देख्ने र भोग्ने
बरू दुष्ट नै ढोग्ने
शासितहरू !
दलालहरू
दल दलमा घुस्दै
देश पो डुब्दै !
जोड्ने खोज्दैछु
मन, माटो, मानिस
पृथ्वी–पथमा !
(पौडेलले यी हाइकुहरु २९८ औँ पृथ्वी जयन्तीको सन्दर्भ पारेर लेखेका हुन् ।)
भर्खरै
लोकप्रिय
