सिमकोट-हिमाली जिल्ला हुम्लामा सञ्चार सम्पर्कबिहीन भएको दिनपछि पुन: सञ्चार जोडिएको छ।
सिमकोट गाउँपालिकाको छोपाखोर (किरिने) लेकमा रहेको नेपाल टेलिकमको टावरका लागि स्थापना गरेको सोलार प्यानलमा हिउँ पग्लिएर पावर चार्ज भएपछि तीन दिनपछि हुम्ला जिल्ला सञ्चार सम्पर्कमा आउन सफल भएको हो।
गत शुक्रबार दिउँसोदेखि आईतबार एघार बजेसम्म सञ्चार सम्पर्क बिहीन भएको हुम्ला जिल्ला सम्पर्कमा आएको नेपाल टेलिकम हुम्लाले ब.जनाएको छ। छोपाखोर लेकमा स्थापना भएको टेलिकमको टावरका लागि स्थापना भएको सोलार प्यानलमा जमेको हिउँ घाम लाग्दा पग्लिएर पावर चार्ज भएपछि सिडिएमए र जिएसएम सेवा सुचारु भएको हो।
हिमपातले टेलिकमको ल्याण्डलाइन र एडिएसएल सेवा तथा वर्ल्डलिंकको इन्टरनेट सेवा अझै अबरुद्ध हुदा जिल्ला इन्टरनेट सेवाबाट भने विच्छेद नै छ।
कालिकोट जिल्लाको माहाबु लेकमा रहेको टावरमा खरावी आउँदा हुम्लाको सो सेवा बन्द भएको र मौसममा सुधार आए तीन चार दिनमा बन्न सक्ने नेपाल टेलिकम क्षेत्रीय कार्यालय नेपालगञ्जका इन्जिनीयर सुसिम पोखरेलले बताए।
त्यस बिचमा बेला बेला जाने आउने गर्दै आएको वल्र्डलिंकको इन्टरनेट सेवा पनि शुक्राारबाट पुर्ण रुपमा बन्द भएको छ।
टेलिकमले जिएसएम सेवालाई जुम्लाबाट काम चलाउ रुपमा सेवा उपलब्ध गराएको हो।त्यसै गरी नीजि क्षेत्रको एनसेलका सेवा पनि एक महिना देखि बन्द रहेका छ।
भर्खरै
लोकप्रिय
