लेख्न सुरु भयो अबदेखि…

आज श्री पंचमी अर्थात् सरस्वति पूजा, हिन्दु वैदिक सनातनीहरुले माघ शुक्लपञ्चमीका दिनलाई विद्याकी अधिष्ठात्रीदेवी सरस्वतिको पूजाराधना गरी विशेष रुपमा मनाउँछन् ।

ज्ञान, बुद्धि र विवेक प्राप्तिका लागि विद्याकी अधिष्ठात्री देवीका रुपमा सरस्वतिको पूजा गर्ने चलन छ । धार्मिकग्रन्थ पुराणमा उल्लेख गरिएनुसार, माघ शुक्ल पञ्चमीका दिन ब्रह्माले सृष्टिमा देवी सरस्वतिलाई आह्वान गरेपछि सरस्वति अवतरित भएको विश्वास गरिन्छ । देशभरका सरस्वति मन्दिरमा पूजाआराधना गर्न श्रद्धालुको बिहानैदेखि भीड लागेको छ ।

विद्यालय नपठाइएका साना बालबालिकालाई आजकै दिनदेखि अक्षरारम्भ गराउने चलन पनि छ । आजका दिन लेखपढ गर्न सिकाए राम्रो विद्या आउने जनविश्वास छ ।

देश सञ्चारकी फोटो पत्रकार बर्षा शाहले सरस्वति पूजाका अवसर पारेर बिहीबार बिहानै मैतिदेवी मन्दिर परिषरमा साना बालबालिकाले अक्षरारम्भ गरेका तस्बिरहरु खिचेकी छन् ।

अभिभावकले उनीहरुलाई लेख्न सिकाएका छन् । यस्तै हुर्किँदै गरेका विद्यार्थीहरु पनि पूजाका लागि मन्दिर पुगेका थिए ।

यो पनि पढ्नुहोस्

श्रीपञ्चमीमा लक्ष्मीको नाममा सरस्वतिको पूजा किन गरिन्छ?