काठमाडौं-रोबोटिक्स एशोसिएशन अफ नेपालले अन्तर्राष्ट्रिय रोबोटिक्स प्रतियोगिता आयोजना गरेको छ।
एशोसिएशनले बिहीबार र शुक्रबार दुइदिन सम्म सञ्चालन हुनेगरी खेलकुद परिषद्को कबडहल त्रिपुरेश्वरमा अन्तर्राष्ट्रिय रोबोटिक्स कम्पिटिसन आयोजना गरेको हो।
एशोसिएशनका अध्यक्ष विकास गुरुङले प्रतियोगितामा रोबोटहरुबीच भिडन्त हुने खेल ‘यन्त्र म्यानुअल अखडा’, रोबोटले आफै काम गर्ने प्रतियोगिता ‘यन्त्र अटोमेटिक अखडा’ र रोबोट फुटबल प्रतियोगिता भइरहेको जानकारी दिए।
प्रतियोगितामा देश भित्रका ७५ भन्दाबढी विद्यार्थीहरु सहभागी भएका छन भने भारतबाट एक जना, बंगलादेशबाट २ जना र भुटानबाट २ जना टिमले सहभागिता जनाएको उनले बताए।
अध्यक्ष गुरुङले प्रतियोगितामा रोबोट फुटबल र अटोमेटिक अखडा जित्नेले एक एक लाख रुपैयाँ र दोस्रो हुनेले ५० हजार रुपैयाँ पुरस्कार जित्ने बताए। म्यानुअल अखडा जित्नेले १ लाख ५० हजार रुपैयाँ र दोस्रो हुनेले ५० हजार रुपैयाँ जित्ने उनले बताए।
त्यस्तै पुल्चोक इन्जिनियरीङ क्याम्पसमा यही माघ १० गतेदेखि २२ गते सम्म साइन्सटेक आन्टर प्रेनरसीप फेस्टिभल आयोजना गरिएको समेत बताए। फेस्टिभलमा देशभरका इन्जिनियरीङ क्याम्पसका विद्यार्थीहरुको सहभागिता रहेको छ।
भर्खरै
लोकप्रिय
