अ
+
अ
अ
-
धनगढी– कैलालीमा टिपरको ठक्करबाट मोटरसाइकल चालकको मृत्यु भएको छ । पूर्वपश्चिम राजमार्ग अन्तर्गत कैलालीको गौरीगंगा नगरपालिका वडा नम्वर ६ वनबेहडामा टिपरले ठक्कर दिँदा मोटरसाइकल चालक घोडाघोडी नगरपालिका वडा नम्वर ४ रामशिखरझाला बस्ने २८ वर्षीय भुवन चन्दको मृत्यु भएको जिल्ला प्रहरी कार्यालय कैलालीले जनाएको छ ।
प्रहरीका अनुसार दाङ गडुवा गाउँपालिका वडा नम्वर ७ का ३० वर्षीय बिष्णु चौधरीले चलाएको ना १ क ८८०३ नम्बरको टिपर र से ७ प ३९०७ नम्बरको मोटरसाइकल एकआपसमा ठोक्किँदा चन्दको मृत्यु भएको हो ।
गम्भीर घाइते भएका चन्दलाई उपचारको लागि सेती प्रादेशिक अस्पताल धनगढी ल्याइएको र उपचारका क्रममा उनको मृत्यु भएको जिल्ला प्रहरी कार्यालयका प्रहरी नायव उपरीक्षक दक्षकुमार बस्नेतले बताए । टिपर र त्यसका चालकलाई प्रहरीले नियन्त्रणमा लिएको छ ।
भर्खरै
लोकप्रिय
