कोरोना भाइरसको संक्रमणबाट सबैभन्दा बढी प्रभावित भएको इटालीको लोम्बार्डी क्षेत्रमा संक्रमण रोक्ने प्रयास स्वरुप अति कडा नियम लागु गरिएको छ ।
नयाँ नियम अनुसार घर बाहिर एक्लै गरिने खेलकुद वा शारीरिक गतिविधि पनि प्रतिबन्धित भएको छ । स्थानीय प्रशासनले शनिबार अबेर यो नियम लागु गरेको हो ।
भेन्डिङ मसिन (पानी, खाना, सिक्कासहितका सामग्री डिस्पेन्स गर्ने मसिन) को प्रयोगमा पनि प्रतिबन्ध लागेको छ । शनिबार एकै दिन इटालीमा कोरोना भाइरसका कारण झण्डै ८०० जनाको मृत्यु भएपछि नयाँ नियम लागु गरिएको हो ।
इटलाीमा अहिलेसम्म कोरोना भाइरसका कारण चार हजार ८२५ जनाको मृत्यु भएको छ । लोम्बार्डी क्षेत्रमा मात्रै ज्यान गुमाउनेको संख्या तीन हजार ९५ रहेको छ ।
अत्यावश्यक बाहेकका सामग्रीको बिक्री वितरण रोक्न पनि आग्रह गरिएको छ । अस्पताल, बाटो तथा रेलवे बनाउने बाहेकका निर्माण कार्य पनि बन्द गरिएका छन् । यस्तै साप्ताहिक खुला बजारहरु पनि तत्कालका लागि बन्द गरिएका छन् । लोम्बार्डी क्षेत्र मार्च ८ देखि लकडाउन छ ।
भर्खरै
लोकप्रिय
