काठमाडौँ – कोरोना भाइरसविरुद्धको प्रयासका लागि सरकारले खडा गरेको कोषमा व्यवसायी बसन्त चौधरीले एक करोड बराबरको सहयोग गर्ने घोषणा गरेका छन् ।
नर्भिक तथा बसन्त चौधरी फाउन्डेसन मार्फत कोरोना कोषमा एक करोड सहयोग गर्ने घोषणा उनले गरेका हुन् । आइतबार बसेको मन्त्रीपरिषद बैठकले कोरोना संक्रमण विरुद्ध ५० करोडको कोष स्थापना गर्ने निर्णय गरेको थियो ।
सो कोषमा मन्त्रीहरुले एक महिनाको पारिश्रमिक प्रदान गर्ने निर्णयसहित सबैको सहयोगका लागि अपिल गरिएको थियो।
सोही अन्तर्गत व्यवसायी चौधरीले फाउन्डेसनका तर्फबाट ५० लाख नगद र थप ५० लाख बराबरको अत्यावश्यक मेडिकल सामग्री उपलब्ध गराउने घोषणा गरेका हुन् ।
विश्वभर कोरोना विरुद्धको अभियानका लागि व्यवसायीहरुले आफ्नो तर्फबाट सहयोगको घोषणा गरेको भए पनि नेपालका अधिकांश व्यवसायी भने यसमा अग्रसर देखिएका छैनन् ।
करोना कोषमा नर्भिक तथा बसन्त चौधरी फाउन्डेसनको तर्फबाट १ करोड़ सहयोग !
कोरोना भाइरसको संक्रमण नियन्त्रणका लागि घोषणा गरिएको “करोना कोष” मा नर्भिक / बसन्त चौधरी फाउन्डेसनको तर्फबाट सहयोग स्वरूप ५० लाख नगद तथा थप ५० लाख बराबरको जरुरी मेडिकल सप्लाइज़ उपलब्ध गराइने घोषणा गर्दछौं ।
— Basant Chaudhary (@basant_cg) March 22, 2020
भर्खरै
लोकप्रिय
