अ
+
अ
अ
-
काठमाडौँ – कोरोना भाइरस (कोभिड–१९) का कारण आउन सक्ने सम्भावित जोखिम रोक्न निर्माण गरिएका कार्यदलका संयोजकहरुसँग उच्च स्तरीय समन्वय समितिका संयोजक तथा उपप्रधानमन्त्री इश्वर पोखरेलले छलफल गरेका छन् ।
छलफलमा सम्बन्धित कार्यदलका संयोजकहरुले सम्भावित जोखिम कम गर्न भइरहेका प्रयासको कार्यप्रगति विवरण तथा कार्ययोजनाको बारेमा जानकारी गराएका थिए ।
फ्रान्सबाट कतार हुँदै नेपाल आएकी एक युवतीमा कोरोना भाइरस देखिएपछि थप सजगता अपनाउनेबारे पनि बैठकमा छलफल भएको थियो।
सरकारले कोरोना भाइरसको संक्रमण फैलिन नदिन चीन र भारतसँगका सीमा नाकाहरु बन्द गरेको छ भने सार्वजनिक सवारीका साधनहरु सञ्चालनमा रोक लगाएको छ ।
सबै शैक्षिक संस्थाहरु चैत मसान्तसम्मका लागि बन्द गरिएका छन् । अत्यावश्यक बाहेक हिँडडुल नगर्न सरकारले आग्रह गरेको छ ।
भर्खरै
लोकप्रिय
