रक्षामन्त्री पोखरेलले भने- जनतासँग सरकार छ, मानवताका लागि संयमता अपनाऔँ

काठमाडौँ- कोरोना भाइरस नियन्त्रण तथा रोकथामका लागि सरकारद्धारा गठित उच्चस्तरीय समितीका संयोजक इश्वर पोखरेलले हरेक नागरिकलाई संयमता अपनाउनुपर्ने बेला आएको बताएका छन्।

‘ यो मानवताका लागि एकजुट हुनुपर्ने बेला हो। नेपाली जनतासँग सरकार छ। हामी जस्तोसुकै आपतविपदमा पनि जनताको साथमा छौँ। तपाईहरुले पनि साथ दिनुस्। सबैले व्यक्तिगतरुपमा संयमता अपनाऔँ’, सोमबार साँझ सरकारी टेलिभिजनसँग कुरा गर्दै रक्षामन्त्रीसमेत रहेका पोखरेलले भने।

कोरोना नियन्त्रण तथा रोकथामका लागि जस्तोसुकै कदम चाल्नका लागि तयार रहेको बताउँदै उनले भने, ‘ आवश्यक परे एउटा पुरै जहाज नै पठाएर सामान ल्याउने छौँ।’